ZPM sorkarah GST atanga sum lakluh a tlahniam zel: MNYF

by News Editor

Tualchhung News

ZORAM TODAY| 24th September, 2024: MNF Ṭhalai chuan vawiin khan thuchhuah siamin, ZPM sorkar hnu-ah hmasawnna hnathawh thar leh hnathawktute bill pek a kaltluan loh avangin GST sorkarin a dawng tha lo hle a. State dangte GST sum lakluh nasa taka a pun hlawm laiin Mizoram sorkar GST sum lakluh chu nikum aiin a thla zawnin a tlahniam leh ta a ni, an ti.

MNYF tarlan danin, July 2023 a GST aṭanga sum lakluh aiin July 2024 a lakluh chu -1% in a tlahniam a. August 2023 a GST sum lakluh aiin August 2024 a GST sum lakluh chu -13% in a tlem niin an sawi.

MNYF chuan, “Sumdawngte’n sum an lakluh atangin GST an pe a, Contractor leh Supplier ten bill an lak atangin GST sorkarah an chhunglut thin. ZPM sorkarah sum chevel a tlem a, GST chhunglut ve miah lote- CM, Ministers, Advisers, Board Chairman, VIP Personal Staff etc a sum hman ṭeuh ṭeuh rah alo lang tan mek,” an ti.

MNYF Hqrs chuan Mizoramin chhiatna nasa tak kan tawh laia Lungleia cabinet meeting neih leh sorkar sum nuai tam tak khawhral a ni kha a pawi kan ti a, kan sorkar hrawn mek Kalphungthar sorkar inti te kal dan leh rorel dan hi upain “chhuanmang rorel” an tih ang ngei kha a ni, tiin an thuchhuah ah tarlan a ni.